Maysa nga estudyante iti natakawan ti manok babaen ti maysa nga ice cream vendor idiay Sitio Pantar, Barangay Villa Hermosa, Sta. Cruz, Ilocos Sur idi parbangon iti August 1, 2026.
Ti biktima ket lalaki nga agtawen iti duapulo ket maysa idinto a ti suspek ket agtawen iti duapulo ket dia, nga agpada nga agnaed iti nasao a lugar.
Nagturong ti biktima iti Sta. Cruz Municipal Police Station ket impakaammona kadagiti otoridad a ti nakagalot a texas-na nga aggatad iti P12,000 ket mapapati a tinakaw ti suspek.
Segun ti biktima, idi July 31, 2026 iti alas dies iti rabii, siniguradoda a naka-lock ti ayan ti tarakenna nga asideg iti pagnanaedanna.
No pay kasta segun ti witness nga agtawen iti uppat a pulo ket siam, idi alas dose y media iti Augist 1 ket nariing isuna gapu iti agsasaruno a taol iti aso, uni iti manok ken cages isu a tinalyawna iti tawana ket mapapati a naobserbaranna ti suspek a nangala ti manok ken pimmanaw iti lugar.
Iti agdama ket isaysayangkat dagiti otoridad ti mayannatup nga imbestigasyon para iti nasao a pasamak.
