Kayat ti International Criminal Court (ICC) Trial Chamber III a personal a dumar-ay ni dati a Pres. Rodrigo Duterte iti status conference inton September 7 maipanggep ti sangsangwen a kaso a crimes against humanity.
Iti maikadua nga status conference, kinuna ni Presiding Judge Joanna Korner a napalubosan laeng ni Duterte a saan a dumar-ay iti panagdenghgeg idi June 23 ta nabiit laeng, isu nga imbagi isuna ti abogadona a ni Peter Haynes.
Segun ti hukom, manamnama nga agipasa ti panel of experts a mangkita ken ni Duterte iti report-da sakbay iti August 18 idinto nga agingga August 31 met ti panagipasa kadagiti obserbasyon dagiti partido iti kaso.
Napagpatangan pay iti panagdenggeg dagiti protocol iti panangiggem ti confidential nga impormasyon ken napalagipan manen dagiti abogado a saan ng agkomento maipanggep ti kaso iti ruar ti korte.
