ICC, nagyaman kadagiti otoridad iti pagilian kalpasan ti pannakaarestar ni dati a PRRD

Nagyaman ti International Criminal Court kadagiti otoridad ti pagilian kalpasan a maarestar ni dati a Presidente Rodrigo Duterte gapu kadagiti kaso nga adda pakainaiganna iti kampanya kontra droga ti administrasyonna.

Segun iti ICC, nagyamanda iti pagilian para iti ‘commitmentda a mangital-o iti accountability mechanism, ken dagiti otoridad ti Host State a Netherlands para iti kooperasyon ken suportada.

Naipan ni Duterte idiay The Hague ken agdama a naibalud idiay Scheveningen Prison bayat a mayur-uray ti trial.

Dinayaw pay ti ICC ti suporta ken pannakitinnulong ti Pilipinas ken Netherlands.