Inaprubaranen ti International Criminal Court dagiti patakaran ken schedule para iti trial ni dati a Presidente Rodrigo Duterte, a naituding a marugian inton Nobiembre 30.
Iti 23 pages a decision ti Trial Chamber III, maibasa iti umuna nga aldaw ti trial dagiti kaso a crimes against humanity nga impila ni Duterte mainaig kadagiti pammapatay iti salinong ti war on drugs campaign-na.
Nabilin ti prosekusyon a mangipasa iti trial brief, listaan dagiti testigo, ken dagiti ebidensia sakbay ti Agosto 31.
Dagiti mangibagi kadagiti biktima ket maikkan gundaway agingga Setyembre 28 tapno mangipasa kadagiti dokumentoda idinto nga agingga Oktubre 30 met ti depensa tapno mailanad dagiti punto a kontraenda ken dagiti agbalin a depensada.
Intuding pay ti ICC dagiti pagannurotan iti presentasyon ti ebidensia, panagtestigo dagiti saksi, ken dagiti addang para iti proteksion dagiti biktima ken testigo.
