VIGAN CITY– Interesado ti International Criminal Court kadagiti kaso a naipila kontra kenni President Rodrigo Duterte gapu iti mapapati a panangpalubos na ti extrajudicial killing ken panaglabsing iti karbengan dagiti tattao .
Segun kenni Magdalo Partylist Rep. Gary Alejano, idi napan da inpila kenni Senador Antonio Trillanes IV ti supplemental complaint ket addan iti ammo iti ICC inaig kadagiti reklamo kontra iti presidente.
Inlawalwag ni Alejano a naala iti atensyon dagiti internatonal Organization kas iti International Human Rights Watch ken United Nations gapu kadagiti agtultuloy a pammapatay iti pagilian a bunga iti nainget a kampanya kontra ti iligal a droga .
Kabayatanna, kinontra ni Alejano iti inbaga ti palasyo a saan a trataren ti ICC iti supplemental complaint nga inpila da.
Kuna ni Alejano nga inaramid da amin a wagas tapno maimbestigaran dagiti reklamo da kontra kenni Presidente ken kadagiti dadduma pay nga opsisyal ti gobierno kas idiay Kamara ken Senado ngem naibasura nga insgida isu nga iti ICC iti nakita dan a naudi a remedyo.
Para kenni Alejano, iti panangibaga ti Palasyo a maibasura laeng ti kaso kontra kenni Duterte idiay ICC ket saan a pudno agsipud ta saanen a nasdaaw ti ICC no apay nga adda iti naipila da a kaso.
