Mangidiaya ti Integrated Bar of the Philippines – Ilocos Sur Chapter iti libre a legal consultation ken notarization kadagiti simple a dokumento inton Sabado, December 6, 2025 iti alas otso iti agsapa idiay Barangay Hall, Cabalanggan, Bantay.
Iti pannaki-uman ti Bombo Radyo Vigan ken ni Atty. Judelyn Acosta, addanto pay maangay a seminar ti Katarungang Pambarangay Law para kadagiti barangay official.
Kinuna ni Acosta a mabalin a matulongan dagiti marigrigat babaen iti panangipaayda iti abogado kadagiti legal a pakarikutanda.
Malaksid dayta, inton December 10, 2025 ket maisayangkat met laeng daytoy idiay St. Andrew, the Apostle Parish iti ili ti Suyo.
Daytoy nga addang ket paset iti agtultuloy a panangital-oda iti accessible justice, legal awareness ken adda kaes-eskanna a serbisio publiko.
