VIGAN CITY – Agtultuloy ti pannakaiwaras iti hybrid rice seed ken ganagan kadagiti mannalon ditoy probinsia kas tulong kadakuada ita a panagtatalon.
16, 500 a botelya ti ganagan ken 50k a sako ti hybrid rice ti maited kadagiti 75k a rehistrado a mannalon malaksid pay ti libre a bin-i manipud ti Department of Agriculture-Philippine Rice Institute babaen ti Rice Competitiveness Enhancement Fund.
Naisapsapa ti pannakaiwaras dagiti nasao a banag tapno makasagana dagiti mannalon nga isu ti naikiddaw kadakuada iti kallabes ken maaramat a pagibasaran ti listaan ti Office of the Provincial Agriculture.
Nupay kasta, adda skedyul ti panagiwarasan iti tunggal ili ken siudad babaen ti panangimaton da Gov. Ryan Singson ken dadduma pay nga opisial ti provincial government.
