Husto a pasueldo ita a holiday, impalagip ti DOLE

Nagpalagip ti Department of Labor and Employment kadagiti employer ita a marambakan ti Ninoy Aquino Day a naideklarar kas special non-working day.

Segun iti DOLE, sakup ti ‘no work, no pay’ dagiti saan a sumrek iti nasao nga aldaw, malaksid laeng no adda maipatpatungpal a company policy, practice wenno collective bargaining agreement a manmangted iti bayad iti special day.

Para met kadagiti agtrabaho, makaawatda iti nayon a 30 percent iti basic wage-da para iti umuna a walo nga oras ti trabaho.

No met rest day ti empleado daytoy nga aldaw, ngumato iti 50 percent ti mainayon iti sueldoda.

Adda nayon a 30 percent iti hourly rate ti bayad iti empleado no lumabesda iti walo nga oras a panagtrabaho.