VIGAN CITY – Nagpalagip ni Ilocos Sur Highway Patrol Group chief PMaj. Jordan Sambo kadagiti motorista iti probinsia inaig iti saan a panagaramat ti agduduma a silaw kadagiti lugan nga araramatenda.
Iti pannaki-uman ti Bombo Radyo Vigan ken ni Sambo, ti laeng rumbeng nga aramaten a silaw dagiti nakamotorsiklo ket nu ti head light rumbeng a puraw ken yellow wenno yellowish; iti park light ket masapul nga orange wenno amber; ken stop light ket masapul a nalabbaga.
Segun ken ni Sambo, ti nasao nga addang ket gapu ti nasaedanda a violator idi napan a lawas nga addaan ti blue light iti silaw ti motorista ket inynay-unayna a nadagsen ti naipataw a multa ta nakailanad iti provincial ordinance ti HPG a mamuelta iti P2,000 ti aglabsing idinto a nu masurot ti paglintegan ti Land Transportation Office (LTO) ket P5,000.
Impannakena a manipod idi kanayon iti panagpatrolya ken panagmonitor ti HPG pakairamanan ti LTO, Task Force Kalsada ken Philippine National Police (PNP) ket adun ti nagbaliwan iti kalsada ta adun ti makitada a nakaaramat ti helmet a nakamotorsiklo, naka-seat belt a driver ti dadakkel a lugan ken sumursuroten dagiti naka-tricycle iti umno a pagdalananda.
Maragsakan ni Sambo iti napintas a resulta ti tignayda ta nu yarig iti dadduma a probinsia ket maysa iti Ilocos Sur ti kasayaatan ti maipapatungpal iti biang ti kinatalged iti kalsada.
VOICE CLIP OF PMAJ. JORDAN SAMBO
Kabayatanna, kiddaw ni Sambo kadagiti agpanggep nga agset-up iti silawna wenno saan a sumurot iti paglintegan a saanda laengen nga aramiden ket kadagiti addaan ti set-up ken modified ti luganna a baliwandan tapno maliklikan ti pannakatiliwda ket mamueltada wenno gappuanan ti aksidente iti kalsada.
VC – PMAJ. JORDAN SAMBO 2
