VIGAN CITY – Saan a maaklon ti pamilia ti nasarakan a bangkay ti lalaki iti kadanuman a paset idiay Barangay Nagpanaoan, Santa, Ilocos Sur iti wagas iti panangpapatayda kenkuana.
Iti pannaki-uman ti Bombo Radyo Vigan ken ni Remigio Peralta nga ama ti biktima a ni Nestor Peralta, naasaawan, maysa a manggalap a taga Sacuyya Norte Santa, nasakit ti nakemna ta nabatonan ti putotna ket adu rigatna pay a nangikkat iti tali a naigalot kenkuana.
Segun ken ni Remigio, nasaem ti nagbalin a wagas dagiti suspek ta uray naiwalang laeng koman iti kalsada ta nakitada pay nga insgidia ngem ta sinaedanda ket binatonandan a posible koma a saanen a masarakan pay.
Awan met ti ammona a karirina ngem namnamaenna a maikkan ti hustisya iti pannakatay ti putotna.
VC – REMIGIO PERALTA
Kiddaw met ni Joan Marie Peralta nga anak ti biktima a makonsensya ken sumuko laengen dagiti nagaramid iti krimen tapno maikkan ti hustisya ti pannakatay ti amana ta kas iti lolona ket saanna a maawat ti napagteng ti amana a napapatay ta amangan nu maawatanna pay nu nalmes laengen ngem saan ta nakarkaru ti inaramidda.
VC – JOAN MARIE PERALTA
