--Ads--
VIGAN CITY – Impanamnama ni Governor Ryan Singson a tulonganna ti pamilia ti menor de edad a napaltugan idiay Daclapan, Cabugao a magun-od ti hustisia ti pannakatayna.
Iti pannaki-uman ti Bombo Radyo Vigan ken ni Gov. Singson, makikammayet ti provincial government iti National Bureau of Investigation a mangimbestigar iti napasamak ta saan a komportable a dagiti kameng ti Philippine National Police laeng ti agtignay agsipud ta isuda ti maitudtudo a suspek.
Impasigurado ti gobernador a maikkaten iti pwesto dagiti mapapati a pulis a pammaltog kas pakauna nga addang a maaramid.
Malaksid iti dyta, kapatangna ti pamilia ti biktima iti personal ken tapno maidanunna a mismo iti tulong kadakuada.
-- ADVERTISEMENT --
