Pinalagipan ti Ilocos Sur Highway Patrol Group dagiti saan vehicle owner a saan pay a nakaala iti plakada nga amuenda no mabalinen a ma-claim ti kukuada.
Iti pannaki-uman ti Bombo Radyo Vigan ken ni HPG Chief Police Major Jordan Sambo, gundawayanen dagiti motorcycle wenno four wheels-owner a mapan alaen dagiti plakada kasaruno ti panangiwaragawag ti Land Transportation Office a rugiandan ti agiwaras kadagiti plaka.
Kinuna ni Sambo a nasken a saandan nga urayen a maipatungpal manen ti ‘No Plate, No Travel’ policy a naisardeng idi kallabes gapu iti manarimaan pay laeng a distribusyon.
Impaganetget ti HPG chief ti kinapateg nga adda ti plaka ti lugan tapno saan a masitar no agdalyasat iti kalsada a mabalinda pay a pakataktakan, malaksid laeng ti kaadda ti rehistro ken lisensya ti drayber.
