VIGAN CITY – Nagawid iti probinsia nga Ilocos Sur ni Houston Rockets NBA star Jalen Green para iti kaunaan a panagbisita na iti pagilian sipud nakastrek iti National Basketball Association.
Nagdisso ti eroplano ni Green itay agsapa idiay Vigan City Airport kagiddan iti panangsabat kenkuana dagiti Ilocano fans na.
Inpadas ni Green a naglugan ti kalesa ,nangan ken nagpicture iti Calle Crisologo.
Inaig dayta, napan ni Green iti Caoayan Covered Court para iti exhibition game na kadwa na dagiti naduma-duma a local players ken tapno mangited ragsak kadagiti fans ken kadagiti ubbing.
Ti agtawen duapulo a Fil-am NBA star ket nadraft idi napalabas a tawen nga naaddaan ti average a 17.3 a puntos , 3.4 rebounds ken 2.6 assist iti rookie season na iti NBA
Maipalagip nga adda iti pagilian ni Houston rockets guard Jalen Green para iti maysa a tour ti maysa a shoe apparel company.
