Nagpanawagan ni House Speaker Martin Romualdez dagiti makipaset iti tinawen a Piesta ni Jesus Nazareno nga agbalin a disiplinado ken siguraduen iti natalna a selebrasion kabayatan ti Traslacion ita a tawen.
Impaganetget ni Romualdez ti kinapateg a mapagtalinaed iti urnos ken kinadalus, isu inallukoyna dagiti deboto nga ibatida a basura kalpassan ti nasao nga event.
Inallukoy pay ni Romualdez kadagiti otoridad ken Church organizers nga ipangpangrunada ti kinatalged ti publiko bayat ti selebrasion.
Segun pay kenni Romualdez nga agserbi ti Traslacion kas palagip iti kaipapanan ti pammati ken panagkaykaysa dagiti umili, ken mangipakita iti pigsa ti debosionda.
Ti Traslacion ket reenactment ti 1787 a prosesion ti imahe ni Jesus Nazarene manipud Bagumbayan agingga iti Quiapo Church.
Kabayatanna, maipalagip nga idi 2024, agarup 6.5 a milion a deboto ti nakipaset iti nasao nga aktibidad.
