Impasigurado ni House Sergeant-at-Arms Retired Police Maj. Gen. Napoleon Taas iti publiko a nasayaaten ti kasasaad ni Atty. Zuleika Lopez, Vice President Sara Duterte’s chief of staff, kabayatan ti pannaka-detained na idiay House of Representatives.
Segun ken ni Taas, dagiti naisayangkat a medical test idiay VMMC ket awan ti aniaman a makapadanag a findings, ken amin a resulta ket nagsubli ti normal.
Innayon pay ni Taas a maibasar kadagiti initial observation a gapuanan ti pannakatalimudaw ni Lopez manipud iti attending PNP doctor ket gapu iti posible a panic attack.
Iti laksid dagiti pakaseknan maipapan iti mental state ni Lopez, inlaksid ni Taas ti aniaman nga indikasion ti suicidal tendencies a naibasar kadagiti regular assessment nga inaramid dagiti House personnel.
Impaganetgetna a mamindua iti inaldaw a ma-check ti vitals ni Lopez tapno ma-assess no adda dagiti pagilasinan ti suicidal tendencies.
