VIGAN CITY- Nangipilan a mismo ni ACTS-OFW Partylist Rep. Aniceto John Bertiz ti resolusyon tapno maimbestigaran ti iskandalo a nakairamanan na idiay Ninoy Aquino Internaitonal Aiport (NAIA) tapno rumuar iti pudno ken mapaneknekan iti panaglabsing iti security protocol gapu iti pannakaiwaras ti CCTV footage iti nasao nga airport.
Ti ekslusibo a pannakiuman ti Bombo Radyo Vigan, kinuna ni Bertiz a nakasagana a sumango iti anya man a reklamo gapu iti pasamak ket no mapaneknekan nga adda nagbasulan na, sanguen na ti pannusa kontra kenkuana.
Kabayatanna, pinatalgedan ti agpanpanday linteg a sakbay a rimuar ti viral a video ket nasimpa dan iti saan da a nagkinnaawatan iti airport personnel ta nagpalawag ken nagpakawan da iti tunggal maysa.
Maipalagip a ti video ket mapapati a kinomprontar ni Bertiz ti airport personnel a nangsitar kenkuana ngem inbaga na a saan na nga inikkat ti sapatos na ta dagti gangannet nga immuna kenkuana ket saan a pinaikkat dagiti airport personnel ti sapatos da.
