--Ads--
Nagbalaag dagiti House prosecutor kontra iti kumarkaro a ‘culture of threats” ken impaganetget da nga agbalin a nasayaat a pagtuladan dagiti opisial ti gobierno gapu ta apektaran ti sarita ken garaw da ti publiko.
Segun ken ni Bicol Saro Party-list Rep. Terry Ridon, gagem ti impeachment case kontra ken ni Vice President Sara Duterte a risuten saan laeng ti panagpangta kontra kada Presidente Ferdinand Marcos Jr., First Lady Liza Araneta-Marcos, ken dati nga Speaker Martin Romualdez, ngem uray pay ti panang-normalize ti panagpangta.
Sungbat daytoy ni Ridon kalpasan a masaludsod iti maipagarup a pangta kenkuana ti maysa a konsehal iti social media.
Innayon ti agpampanday linteg a napateg ti agbalin a nasayaat a gobierno para iti publiko.
-- ADVERTISEMENT --
