--Ads--
Saan a mangipasa iti reply ti House prosecution panel iti sungbat nga impasa ni Vice President Sara Duterte iti Senate impeachment court.
Segun ken ni House lead prosecutor ken Batangas Rep. Gerville Luistro, mangipasa laengen ti panel iti manifestation tapno ipalawag no apay a saandan a mangipasa iti reply.
Maipalagip nga idi Hunyo 1 ket nangipasa ni Duterte iti sungbat iti impila ti kamara nga Articles of Impeachment.
Immunan a pinasingkedan ni House prosecutor ken Bicol Saro party-list Rep. Terry Ridon a ti impasa ni Duterte ket saanna a nasungbatan dagiti nailanad iti alegasion iti impeachment case ken rehash laeng idi naipasa iti House Committee on Justice nga isu ti mangisaysayangkat iti panagdengngeg kadagiti impeachment complaint.
-- ADVERTISEMENT --
