Pabor dagiti sumagmamano a miembro ti House impeachment prosecution team a repasoen ti agdama a 16-vote threshold a kasapulan tapno ma-convict ni Vice President Sara Duterte iti impeachment trial na.
Pinasingkedan ni prosecution team spokesperson Ace Barbers a supsuportaran na ti panawagan a ma-adal manen ti threshold gapu ta adda dagiti sumagmamano a senator-judge a saan a makadardar-ay ti trial.
Kinumpirmaran pay ti opisial a suportado met dagiti sumagmamano a miembro ti prosecution team iti panangrepaso iti nadakamat a requirement.
Masapul a personal a makita dagiti senator-judges dagiti testimonia ken ebidensia a maipasango iti impeachment court tapno makabukel ti patas ken objective a decision.
Immunan nga impaganetget ni Senate Minority Leader Juan Miguel Zubiri nga adda dagiti sumagmamano a senador a kayat da a trataren ti 16-vote requirement gapu ta adda dagiti miembro ti Senado a saan a makadardar-ay iti panagdengngeg.
