Namnamaen ti House prosecution panel ti panagirruar ti pre-trial order manipud iti Senate impeachment court kalpasan a nakumpleto ti pre-trial conference para iti mapasamak nga impeachment trial ni Vice President Sara Duterte.
Segun ken ni House trial spokesperson ken Lanao del Sur Representative Zia Alonto Adiong, ti nadakamat nga order ti mangtipon dagiti natratar idi pre-trial ken mangikeddeng kadagiti pagannurotan ken parameter para iti trial a mangrugi inton Hulyo 6.
Impaganetget ni Adiong a gagem ti pre-trial order a lawlawagan no ania nga stipulations of fact ti inawat ti agsumbangir a panid tapno mapadaras ti proseso ken matutukan laeng dagiti isyu nga adda saan nga umanamong.
Inlawlawag pay ti agpampanday linteg a dagiti saan a narisut a patangan ken kiddaw ti agsumbangir a kampo ket dumalan iti Senate impeachment court gapu ta awan ti bileg ni Senate Secretary ken Impeachment Clerk of Court Renato Bantug Jr. nga ag-decision kadagiti disputed pleadings wenno ebidensia.
