--Ads--
Mapapati nga adda iruat ti House prosecution panel iti impeachment trial ni Vice President Sara Duterte inton sumaruno a lawas.
Nasaludsod ni House private prosecutor ken legal spokesperson Atty. Benjamin Tolosa Jr. no adda manamnama a mairuar iti publiko iti impeachment trial inton sumaruno a lawas ket kinunana nga adda natibker nga ebidensia a mairuar.
Nagkedked met ni Tolosa a mangted ti detalye gapu ti sub judice rule.
Segun met ken ni House prosecutor ken San Juan City Rep Ysabel Maria Zamora, adda pay laeng iti early stage iti ebidensia ti prosecution para iti Article IV maipanggep iti panagtangta ni Duterte kada Pres. Ferdinand Marcos Jr., First Lady Liza Araneta Marcos ken dati nga Speaker Ferdinand Martin Romualdez.
-- ADVERTISEMENT --
