Dismayado dagiti spokesperson ti House prosecution iti saan a panagdar-ay ni Vice President Sara Duterte iti naisayangkat a pre-trial conference para iti impeachment trial-na.
Segun kada Lanao del Sur Rep. Zia Alonto Adiong ken Kabataan party-list Rep. Renee Co, arigna kabaliktad ti saan a panagturong ni Duterte iti immunan a kinuna ti kampona a nakasaganada a sangwen dagiti alegasyon iti husto a forum.
Kinuna ni Co a mangnamnama iti publiko a sumango ni Duterte iti pre-trial conference kasta payen ti actual a trial.
Pinasingkedan met ni Adiong a ti personal a panagsango ni Duterte ket mangipakita iti kinasaganana a direkta a sangwen dagiti alegasyon kontra kenkuana.
Impaganetgetna a napudpudno iti ibagbaga ti bise presidente nga awan ti basolna no agpakita isuna mismo iti impeachment court.
Rinugianen ti Senate Impeachment court ti pre-trial proceedings idi Huebes ket manamnama nga agtultuloy sakbay iti actual a trial inton June 6.
