Umuna a dumalan ti Department of Finance iti budget deliberations ita nga aldaw para iti panangrugi ti plenary debates iti P6.352-trillion national budget para iti 2025 iti House of Representatives.
Sarunuen daytoy ti Department of Justice ken dagiti attached agencies-na kas iti National Bureau of Investigation ken Bureau of Immigration, kalpasanna ti National Economic and Development Authority, pakairamanan dagiti attached agencies-na.
Segun kenni Speaker Martin Romualdez, ti outlay wenno ti General Appropriations Bill ket mangsuporta iti Agenda for Prosperity ken “Bagong Pilipinas” a programa ni Presidente Marcos.
Iti sidong ti budget deliberation schedule, walo nga aldaw ti panangipaay ti Kamara para kadagiti plenary debates, a mangrugi iti alas dies ti bigat ken agpaut agingga a malpas ti agenda.
Kabayatanna, ti rekomendasion a makissayan ti pondo ti Office of the Vice President ket mapagpapatangan inton September 23.
