Naaprubaran iti joint hearing ti House Committees on Dangerous Drugs ken on Health ti gakat a medical cannabis law.
Gagem ti gakat a maikkan iti compassionate access iti medical cannabis dagiti adda nakaro a sakitna, kasta payen ti kaadda iti panagsukisok kadagiti cannabis a mapalubosan a maaramat kas agas.
Malaksid dayta, gagem pay ti gakat nga adda regulatory framework mainaig iti panagiresera iti medical cannabis ken panangdusa kadagiti managabuso.
Suportaran ti Philippine Drug Enforcement Agency ti gakat ngem impaganetgetda ti kinapateg nga adda ti natibker a regulatory measure tapno mabantayan ti panagaramat ti cannabis.
Inyunay-unay met ti UP Institute of Human Rights ti panangsuporta iti karbengan iti salun-at, karbengan iti biag, kalidad ti biag, ken access iti healthcare.
