Inikkan ti House Committee on Ethics and Privileges iti sangapulo nga aldaw ni Quezon City 4th district Rep. Bong Suntay tapno sungbatan dagiti sangsangwenna nga ethics complaint.
Dayta iti pinasingkedan ti chairman iti Komite a ni 4Ps Partylist Rep. JC Abalos kalpasan iti naisayangkat a hearing a nakipasetan ni Suntay.
Ti panagdenggeg iti Komite ket maibasar kadagti nagbalin a privilege speech kontra ken ni Suntay iti sumagmamano a kongresistya iti plenary session iti Kamara ken dagiti mainaig a reklamo.
Nagtaud dayta iti kontrobersyal a desire ken imagination analogy ni Suntay maipanggep ti aktres a ni Anne Curtis a dinakamatna bayat iti panagtratar ti House Justice Committee kadagiti impeachment complaints kontra ken ni Vice President Sara Duterte.
Impasigurado ni Abalos a dengngenda iti biang dagiti nagipila iti reklamo ken ni Suntay sakbayda a mangiruar ti committee report a nakapauneg kadagiti rekomendasyonda.
