Ibilbilang ti Philippine National Police nga isolated cases laeng dagiti nagsasaruno a hostage taking incidents iti pagilian.
Dagitoy a pasamak ket sipud idi Enero 20 agingga Pebrero 18 idiay Manila, Batangas, Rizal, ken Digos City.
Segun ken ni PNP Chief Gen. Rommel Francisco Marbil, naisalakan dagiti biktima ken natiliw dagiti suspek gapu iti napaspas a panagresponde ken laing iti crisis management dagiti pulis.
Numan pay dagitoy ket seryoso a pasamak, saan a pagsarmingan iti overall situation ti peace and order iti pagilian.
Impasigurado pay ni Gen. Marbil nga alerto latta ti kapulisan iti panangted seguridad iti publiko ken panangpatalinaed iti kappia iti pagilian.
Inallukoy ti PNP ti publiko nga agridam kenb aramaten a husto ti social media iti panangipaay iti husto nga impormasyon tapno maliklikan ti panagwaras ti fake news.
