Sinaludsod ni Senador-Judge Risa Hontiveros ken ni Davao City Accountant Vingelin Bajan no personal a nagpirma kadagiti disbursement voucher para kadagiti negosio a nainaig iti pamilia Duterte idi mayor pay laeng ni Bise Presidente Sara Duterte iti Siudad ti Davao.
Saan a malagip ni Bajan no personal a pinirmaanna dagiti nadakamat a dokumento a mainaig iti transaksion ti gobierno lokal ken dagiti kompania a nainaig iti pamilia Duterte.
Inyebkas ni Hontiveros ti pannakasdaawna iti sungbat ni Bajan kalpasan a saan a nalagip ti saksi dagiti nadakamat a dokumento.
Impaganetget ni Hontiveros a paset ti kompleto a trabaho dagiti staff ket ti naan-anay a panangrepaso kadagiti naipasa a dokumento sakbay nga aprobaran ti aniaman a transaksion.
Inyunay-unay ti senador a pagrebbengan ti accountant a siguraduen nga umdas, kompleto ken umiso dagiti supporting documents sakbay a pirmaan dagiti disbursement voucher.
