Maikkan iti sag-P12,000 nga honoraria dagiti mangisursuro iti pampubliko a pagadalan nga agserbi iti Bangsamoro parliamentary elections inton October.
Segun ti Commission on Elections, nasurok 9,000 public school teacher iti agserbi bayat iti eleksyon inton October 13.
Segun ti poll body, maysa nga electoral board chairperson iti mabayadan ti P12,000, dagiti electoral board member ket makaawat ti P11,000 idinto a ti support staff-da ket mabayadan iti sag-P8,000.
Kinuna ni Comelec Chairman George Garcia a ti honoraria iti Bangsamoro eleksyon ket maipada kadagiti naikkan a mangisursuro ken staff bayat ti May 2025 midterm elections.
Kabayatanna, nangsanay payen iti Comelec iti sangaribo a Philippine Coast Guard personnel tapno masukatan dagiti posible a saan a makaaramid iti poll duties-na.
