VIGAN CITY – Saanen a cash card iti dumalanan iti honorarium wennu tangdan dagiti mangisursuro nga agserbi a Board of Election Inspectors (BEI) inton May 13 midterm elections.
Segun ken ni Commission on Elections (Comelec) spokesman James Jimenez iti pannaki-uman kenkuana ti Bombo Radyo Vigan, kwartan wennu cash iti maiyawat kadagiti agserbi a BEI.
Dayta ket gapu kadagiti naglabas a reklamo dagiti nagserbi a BEI a saan da nga insigida a maala dagiti honorarium da nu cash card ti maited kadakuada ta adu pay dagiti masapul da a dokumento ken agbayad da pay iti buwis sakbay a maala da ti tangdan da a nagserbi iti eleksyon.
Maipalagip nga itay kallabes, nagbalin nga isyu iti honorarium dagiti mangisursuro ta nataktak iti pannakapirma iti 2019 national budget a nakaipalaonan iti pondo para iti panagpipili inton Mayo.
