VIGAN CITY- Pinaneknekan ti maysa a tricycle driver Iti Ilocos Sur a saan nga amin ket maiirap iti dakkel a gatad ti kuarta.
Daytoy ket kalpasan nga insubli ni Lorenza Martinez, tubo ti Brgy. Ayusan norte , Vigan City ngem agnanaed iti Cabaroan ,Sta. Catalina ,iti napidot na a bag idiay Brgy. Ayusan Norte a naglaon iti PHP40K..
Segun kenni Martinez, awan ti contact number iti uneg ti bag isu a binirok da iti anak na iti nagan nga adda iti ID babaen ti social media ket naamuan a residente daytoy iti barangay a nakapidotan iti bag.
Kuna ni Martinez nga iti laksid a simple laeng iti biag da ken makipaspasada iti tricycle ket saan a nagdudua isuna a nangisubli ti bag ta saan na a kayat a tagikwaen iti saan na a kukua ken nagrigatan.
Naammuan a saan a daytoy iti umuna a gundaway a nagbalin nga honest tricycle driver ni Martinez ta idi ket nangisubli manen ti cellphone a nabati iti tricycle a manmanehuen da.
Kabayatanna, kiniddaw ti makinkukua iti bag a saanen a maipakammo iti pakabigbigan na.
