VIGAN CITY – Saan a kayat ni Association of Boxing Alliances of the Philippines (ABAP) secretary -general Ed Picson iti agpug-pugto nu manu a medalya iti kabaelan a gun-oden dagiti Pinoy boxers iti maisayangkat a 30th Southeast Asian Games inton umay a bulan.
Dayta iti ingunam-gunam ni Picson iti pannaki-uman kenkuana ti Bombo Radyo Vigan ta saan na a kayat a diktaran iti panagay-ayam dagiti atleta da.
Kinunana, saan na nga ammo nu anya iti estratehiya nga usaren dagiti atleta iti sabali a pagilian a makipaset ti SEA Games ken nu kaanu a makalaban dagiti Pinoy boxer ida isu’t gapu na a saan na a kayat iti mangibaga nu manu ti medalya a kabaelan da a gun-oden nu madanunen iti paay-ayam.
Ti maisayangkat nga edisyon ti SEA Games ditoy pagilian, sangapulo a balitok a medalya iti pagiinnagawan dagiti boksingero manipud iti naduma-duma a Southeast Asian countries, ti walo ket pagbabalubalan da iti men’s division ken ti lima ket iti women’s division.
