VIGAN CITY- Makatawen nga agshooting ditoy pagilian ti Hollywood action star Steven Seagal para ti baro a TV series na a manamnama a maipabuyan to ti maysa a TV network ditoy pagilian.
Iti pannakiuman ti Bombo Radyo Vigan kenni dati nga Ilocos Sur Governor ken agdama a Narvacan councilor Luis “Chavit” Singson a gayyem ni Seagal, ditoy Vigan City iti umuna ken kangrunaan a pag-shootingan ti TV series ta isu iti agserbi a pagnaedan ti akmen na iti pelikula.
Iti agdama ket ti Vigan City pay laeng ti nainaganan a lugar a pag-shootingan kadagiti episode ti show ti Hollywood star nga iti dati a gobernador ti maysa kadagiti producers.
Kinunana, ti baro a TV series ni Seagal ket manamnama a maipabuyan to ti maysa a TV network agsipud ta nagpipinnirma dan iti kontrata.
