Indeklarar iti Malakanyang nga special non-working holidays iti dadduma a lugar iti pagilian para iti panagrambak ti local founding ken charter anniversaries kasta payen ti festivities.
Babaen ti Proclamation 849 ket naideklarar iti May 2 nga special non-working day idiay Bauan, Batangas para ti panagrambak iti Sublian Festival.
Non-working day met iti May 5 idiay Santiago City idiay Cagayan Valley kas nakalanad iti 85o para iti panagrambak iti maika-tallopulo ket maysa a cityhood anniversary.
Naideklarar a non-working day inton May 5 babaen ti Proclamation 851 idiay Kapangan, Benguet para ti panangrambak iti birth anniversary ni dati a governor Bado Dangwa a kaunaan a lieutenant ken major iti Philippine Army baya ti World War II.
Naideklarar ti May 8 a holiday babaen ti Proclamation 852 idiay President Roxas, Cotabato tapno mapalubosan dagiti residente a rambakan iti maika-limapulo ket walo a founding anniversary-da.
Non-woring day inton May 9 idiay San Jose, Negros Oriental kas maibasar iti proclamation 853 a mangimandato iti panagrambak ti charter day iti ili.
Inruar pay ti Malakanyang ti Proclamation 854 a mangideklarar ti May 20 nga special non-working day idiay Uyungan, Batanes para ti foundation day.
