Idurduron ti Department of Health (DOH) ti Human Immunodeficiency Virus wenno HIV education kadagiti nadumaduma nga opisina ken pagtrabahoan.
Segun iti DOH, dakkel ti oras a busbusen dagiti agtratrabaho isu a gagem ti ahensia a masakopan dagiti opisina ken nadumaduma a pagtrabahoan tapno mairusat ti kampanya kontra ti nasao a virus.
Panangipaay ti libre a condoms, lubricants, Pre-Exposure Prophylaxis (PrEP), HIV testing, ken HIV education kas paset iti kampanya maipapan iti panangsurot ti antiretroviral therapy no kas pangarigan nga agpositibo ti HIV.
305 DOH-designated HIV care facilities iti pagilian ti nakasagana a mangted kadagiti serbisiyo tapno maliklikan ti nasao a virus, pakairamanan dagiti health facility para kadagiti Person Living with HIV.
