VIGAN CITY – Uppat a lalaki a karaman iti aksidente idiay Brgy. Camindoroan, San Juan ti naipaagas iti ospital.
Ti Honda Wave 100 a motorsiklo ket minaneho ni Justine Paulo Saludo, agtawen iti sangapulo ket walo a taga-Brgy.Pandayan, San Juan ken ti backrider-na a ni Allen Agbayani, agtawen iti tallopulo ket tallo a taga-Brgy. Lapting idinto a ti Honda Supra a motorsiklo ket minaneho ni Lance Dave Unida, agtawen iti sangapulo ket pito a taga-Brgy. Resurrecion.
Nairaman pay ti maysa nga agnagan iti Egieboy Siason, agtawen iti duapulo a taga-Brgy. Nagsupotan, San Juan.
Iti pakauna nga imbestigasyon, agpapadaya a direksyon ti Honda Wave idin ta saanna a nakontrol iti manibela ti luganna ket naidungparda iti kalsada.
Bayat a nakaidda ti drayber ken ti backride-na iti kalsada ken ti panangtulong dagiti dadduma a concern citizen, aksidente a nadungpar ket pinanawan ti drayber ti Honda Supra a naggapu iti bangir a linya ti drayber ti Honda Wave.
Gapu ti dayta, nairaman pay ni Siason a tumultulong iti nadunor a drayber.
