Hit-and-run iti siudad ti Candon, dua ti nadunor

Dua nga indibidual ti nadunor iti hit-and-run a napasamak iti national highway ti Barangay Langlangca 2^nd, Candon City, Ilocos Sur.

Karaman iti aksidente ti maysa a motorsiklo a minaneho ti maysa a lalaki nga agtawen iti duapulo ket lima, backrider-na ti maysa a babai nga agtawen iti limapulo ket innam, agpada a taga-Barangay Penned, Sta. Maria.

Saan pay met a naammuan ti pakabigbigan ti maysa a pickup.

Segun iti drayber ti motorsiklo, agpapa-abagatan dautoy idin ta ginandatna ti ag-overtake iti lugan a sarsarunwenna, ket dita a gundaway a matukbob daytoy iti pickup iti likudan.

Kalpasan ti insidente, naglibas ti pickup.

Nadunor dagiti nagkalubbon ket naipaagasda iti ospital para iti naan-anay a pannakatamingda.