--Ads--
Maysa ti nadangran iti napasamak nga hit and run idiay national highway sakupen ti Barangay Paing, Bantay, Ilocos Sur.
Ti nagmaneho ti Yamaha Mio Gear ket agtawen ti duapulo ket pito, residente ti Barangay Don Alejandro, Quirolgico, ili ti Caoayan, idinto a saan pay a nabigbig ti nagmaneho ti Toyota Hilux.
Basar iti imbestigasion, agpada a daldalyasaten dagiti lugan iti abagatan a direksion idin ta kellaat a nadungpar ti pick-up ti motorsiklo.
Nadunor ti nagmaneho ti motorsiklo a dagus a naipan iti balay pagagasan idinto a saan a naan-ano ti nagmaneho ti pick-up.
-- ADVERTISEMENT --
Mapapati a timmaray a nagpa-abagatan a direksion ti pick-up kalpasan ti insidente.
