VIGAN CITY – Inlawlawag ni Provincial Officer P/Maj. Jordan Sambo ti Highway Patrol Group a mabalinda latta a tiliwen dagiti aglablabsing iti pagannurotan saan laeng a ti national highway no di ket amin a pampubliko a kalsada kas nailanad iti paglintegan.
Dayta ket kalpasan ti adu a pambar dagiti motorista idiay Narvacan a natiliw gapu ti saanda a panaghelmet ta dagiti dadduma ket irasonda nga asideg laeng iti papananda.
Iti pannaki-uman ti Bombo Radyo Vigan ken ni P/Maj. Sambo, idiay Tagudin ken Sta. Cruz ti targetda a pangisayangkatan ti operasyon ngem gapu ta kayatda a madisiplinaan para met laeng iti kinatalged dagiti motorista ket tiniliwda dagiti nasukir iti ili ti Narvacan.
Malaksid ti dayta, masapul a kompleto dagiti papeles a nga iggemda no agbiahe tapno saanda a matiliw kas ti driver’s license ken ti certificate of registration manipud ti Land Transportation Office a mabalin iti photocopy.
Nupay kasta, nagpakaasi ni Sambo kadagiti motorista a saanda a rigaten ti aghelmet uray no nudta ti papananda ta nangin-ngina pay ti muelta no matiliwda iti kalsada ken tapno saanda nga isagmak dagiti makaaksidente kadakuada numan bilang.
