VIGAN CITY – Maysa a high value individual iti Regional Target list iti nakemmeg iti naiwayat a buy bust operation idiay Brgy. Cabaroan, Magsingal.
Nabigbig ti nakemmeg a ni Frederick Pacleb Brillantes, agtawen ti duapulo ket siam, naasawaan nga agnaed idiay San Basilio, magsingal.
Babaen iti panagtitinnulong dagiti pannakabagi ti linteg ket nakemmeg ti suspek kenb naala kenkuana ti maysa a heat sealed transparent plastic sachet a naglaon iti mapapati a shabu nga isu iti buy bust item, uppat a heat sealed transparent plastic sachet a naglaon iti mapapati a shabu a possession, maysa a sangaribo a pisos kas buy bust money, tallo a machine copy iti sangaribo a pisos a naaramat a boodle money, maysa a lighter, maysa a unit iti android a cellphone ken maysa nga aluminum foil ket mapatta patta nga umabot iti nasurok kumurang uppat a gramo iti naala a shabu nga aggatad iti 27,200 a pisos.
Kabayatanna, ti imbentaryo ken markings iti pannakaala dagiti ebidensya ket napasamak iti nasao a lugar.
