Maysa a High Value Individual ti nakemmeg babaen iti buy-bust operation idiay Barangay Tubigay, Sinait, Ilocos Sur.
Nabigbig ti suspek a ni Jenisis Sinco Tinaza, agtawen iti tallopulo ket uppat, taga-Barangay Pug-os, Cabugao, miembro ti BACLIG SARSI Drug Group.
Naala manipud iti suspek ti nasurok kumurang walo a gramo ti shabu nga aggatad iti PHP54,000 a naikabil iti tallo a piraso ti heat sealed transparent plastic sachet – maysa ti buy-bust item ken dua ti ikotna.
Dagiti non-drug evidence ket pakairamanan ti tallo a lighter, maysa a genuine PHP500-peso bill, pitaka a nagikabilan iti droga, maysa pay a pitaka, PHP180 ken maysa a motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
