VIGAN CITY – Panaglabsing iti Republic Act 9165 wenno Comprehensive Dangerous Drugs Act of 2002 ti sangwen ti maysa a lalaki a nabuy-bust idiay Buquig, Bantay.
Nabigbig ti suspek a ni Joseph Salazar, agtawen iti tallopulo ket pito, High Value Individual iti Regional Level.
Iti pannaki-uman ti Bombo Radyo Vigan ken ni P/Capt. Juan Jhayr Maggay, ti suspek a drayber iti pampasahero a van ket makabulan a sinipsiputanda ta nagpositibo pay iti drug test nga insayangkatda kenkuana ken ti panagbiahena ti panggungundawayanna nga agaramid iti iligal.
Naala kenkuana ti maysa a heat sealed plastic sachet iti shabu ken tallo a sachet iti shabu nga ikotna.
Nakakustodian iti Bantay PNP ti suspek pakairamanan dagiti naala kenkuana a kontrabando tapno maidalan iti husto a proseso.
