VIGAN CITY – Kinumpirmaran ti hepe ti Quirino Municipal Police Station a nakaawat da iti report inaig iti napasamak a rinnupak babaen kadagiti kameng ti Philippine Army itay bigat nga adda iti rinnupak iti paset it Brgy. Lamag.
Iti pannaki-uman ti Bombo Radyo Vigan kenni P/Lt. Ashley Clyner Cacayorin, hepe ti Quirino PNP, naipadanun kadakuada babaen iti text message ti Philippine Army a bayat iti panagpatrolya da ket adda iti nakarinnupak da a kameng ti New Peoples Army iti nasao a barangay iso a dagus da a nakikinnammayet kadagiti kakaddua da ket naduktalan nga idiay Brgy. Tamboan, Besao, Mountain Province iti nakapasamak iti engkwentro.
Innayon ti hepe a saan a sigurado iti pakpakauna a lokasyon dagiti kasoldadduan ta boundary ti tallo a probinsya iti nasao a lugar ken kinumpirmaran ti kapitan ti nasao a barangay a saan nga iti nasao a lugar iti nakapasamakan na.
Ti agdama agtaltalinaed a maysa iti pimmusay iti napasamak a rinnupak a maysa a Private First Class iti rangko na ken maysa pay iti nakaro a nadundunor.
