Opisyalen a naikkat iti nagan da dati a Department of Public Works and Highways (DPWH) district engineer Henry Alcantara ken kontratista a ni Sally Santos nga akusado iti tallo a kaso iti malversation ken graft maipanggep iti anomalia iti flood control projects idiay Bulacan.
Inlawlawag ni Justice Spokesperson Atty. Polo Martinez a naikkatda kas respondents kalpasan nga inawat ti Department of Justice (DOJ) kas state witnesses iti salinong ti Witness Protection Program (WPP).
Kas paset iti panagbalin nga state witness, naikkanda iti immunity manipod kadagiti kangrunaan a kaso a sakup iti katulagan iti gobierno.
Nagbayad pay ti restitution wenno nagsibuli iti kuarta ni Alcantara iti pagilian kas paset ti tulagan.
Iti baet a naikkat kadagiti kaso a malversation ken graft iti Regional Trial Court ni Alcantara ket agtalinaed latta a respondent wenno testigo iti daddum a plunder cases nga adda pakainaigan kadagiti nangangato nga opisyal.
Nagtaud iti nasao a kaso iti maanomalya a flood control projects a nakairamanan iti SYMS construction Trading a kukua ni Sally Santos ken ni Henry Alcantara kas dati a district engineer iti DPWH-Bulacan.
