VIGAN CITY – Tallopulo ket tallo a tattao pakairamanan ti election officials on duty iti natay gapu ti mapapati a heatstroke idiay Bihar, Uttar, Pradesh ken Odisha idiay India.
Mapapasaran idiay India ti nabara a tikag ken nairekord ti kangatoan a temperatura idiay Delhi ta naabot ti 52.9 degrees Celsius ita a lawas.
Nupay manamnama nga agtultuloy latta ti heatwave iti region ket manamnama a bumaba ti temperatura iti northwestern ken central India iti sumarsaruno nga aldaw.
Inlawlawag ti India Meteorological Department a maideklarar ti heatwave nu ti temperatura ket nangangato ti 4.5 degrees Celsius agingga 6.4 degrees Celsius ngem iti normal.
Segun kadagiti opisyal, sangapulo ket uppat a tattao ti natay idiay Bihar pakairamanan ti sangapulo a nainaig ti nagsimpa ti manarimaan a seven-phase national elections.
Kaadoan nga election officials ket masapul a nakatakder a nakaduty nga agmalmalem ken kaaduanna ket mapasamak iti ruar.
Idiay Uttar Pradesh ket siam nga election personnel pakairamanan ti security personnel ti natay idinto nga idiay Odisha ket sangapulo ti natay kas impakaammo ti government hospital.
