Manamnama a nabarbaranto pay iti panawen idiay Spain inton Hulyo kagiddan iti mapaspasaran a nakaru a heat wave iti southern Europe.
Iti pannaki-uman ti Bombo Radyo Vigan ken ni Bombo International News Correspondent Eva Tinaza nga adda idiay Spain, posible nga umabot iti 47° Celsius agingga 50° Celcius iti temperatura iti nasao a bulan ta ita a mangmangrugi pay laeng iti summer ket makarkarikadan iti 40° Celsius a temperatura.
Segun ken ni Tinaza, bakasyon nu dumteng iti Hulyo ken Agosto isu nga adu dagiti agturong kadagiti kabaybayan wenno resort tapno liwliwaen iti bagbagida wenno tapno mabang-aranda ita a nabara iti panawen.
Innayonna a kanayon iti panagpalagip iti local a gobiernoda iti kanayon a panagannad ken kanayon a panagitugot iti danum a mainom tapno saan a ma-dehydrate.
VIDEO – BINC EVA TINAZA
