VIGAN CITY – Pinasingkedan ti Philippine Atmospheric, Geophysical and Astronomical Services Adminsitration (PAGASA) a ti intense heat ket immabot ti dangerous level iti tallopulo ket lima a lugar ita nga aldaw, May 14, 2024.
Nairekord ti kangatoan a heat index idiay Dagupan City, Pangasinan a 49 degrees Celsius, simmaruno ti Aparri, Cagayan ken Roxas City, Capiz a 47 degrees Celsius.
Immabot ti 46 degrees Celsius idiay Bacnotan, La Union ken Virac, Catanduanes; ken 45 °C idiay NAIA, Pasay City; Alabat, Quezon; ken Butuan City, Agusan del Sur.
44°C ti heat index a nairekord idiay Mariano Marcos State University Station, Batac, Ilocos Norte; Iba, Zambales; Sangley Point, Cavite; Ambulong, Tanauan, Batangas; Dumangas, Iloilo; Catarman, Northern Samar; ken Zamboanga City, Zamboanga del Sur.
43 degress Celsius idiay Tuguegarao City, Cagayan; Coron, Palawan; Puerto Princesa City, Palawan; Central Bicol State University of Agriculture Station, Pili, Camarines Sur; Iloilo City, Iloilo; Maasin, Southern Leyte; ken Dipolog, Zamboanga del Norte.
Kasta pay a 42°C iti Sinait, Ilocos Sur; Laoag City, Ilocos Norte; Baler, Aurora; Cubi Pt. Subic Bay, Olongapo City; Calapan, Oriental Mindoro; San Jose, Occidental Mindoro; Daet, Camarines Norte; Legazpi City, Albay; Masbate City, Masbate; Mambusao, Capiz; Catbalogan, Samar; Guiuan, Eastern Samar; ken Davao City, Davao del Sur.
Imballaag ti PAGASA a ti heat indices iti nagbaetan iti 42 degrees Celsius ken 51°C ket napeggad ta posible ti heat stroke nu agtultuloy ti kinabara iti panawen.
