VIGAN CITY – Maysa a pulmonologist ti nangiyunay-unay a masapul a maamyendaran ti Vaporized Nicotine and Non-Nicotine Products Regulation Act wenno ti Vape Law.
Segun ken ni Dr. Maricar Limpin, dati a presidente ti Philippine College of Chest Physicians, kayatna a maingato ti legal age ti vaping iti duapulo ket lima manipud iti sangapulo ket walo a tawen.
Dayta ket gapu ta makitana a dagiti agtawen iti sangapulo ket tallo agingga sangapulo ket lima ket agar-aramaten, ken addan dagiti agsaksakit iti tawenda a duapulo ket dua, duapulo ket maysa, ken duapulo ket tallo.
Inlawlawagna a 25 ti nasken a tawen ta isu ti gundaway nga agmature ti control center ti utek.
Innayonna a mabalin a mayaplikar pay daytoy para iti panaginom kadagiti alcoholic beverages.
