Kinasoan ti Department of Justice (DOJ) iti qualified human trafficking ni dati a presidential spokesperson Harry Roque gapu iti pannakainaigna ti illegal nga operasyon ti Philippine Offshore Gaming Operators wenno POGO idiay Porac, Pampanga.
Segun ken ni Justice Undersecretary Nicholas Felix Ty, karaman a nakasoan da Cassandra Ong, Wu Duanren iti Whirlwind Corporation, Dennis Cunanan ken tallopulo pay a sabali.
Innayon ni Ty a nalawag iti pannakainaig dagiti akusado a nagaramat iti institusyon para it human trafficking.
Immunan a kinasoan ti Presidential Anto-Organized Crime Commission ti Lucky South 99 authorized representative a ni Kathrine Cassandra Li Ong ken dadduma pay.
Kadua ni Roque iti supplemental complaint a naipila idi October 2024.
Impaganetget ni Ty nga uray abogado ti Whirlwind ni Roque ket personal a nagturong iti Philippine Amusement Gaming Corporation para ti renewal ti application ti Lucky South 99.
