--Ads--
Mangipila iti kaso GV Florida Transport Incorporated kontra iti uploader ti video a mangipakita iti mapapati a panagkikinnamat dagiti pampasahero a bus.
Segun iti legal counsel ti bus firm a ni Atty. Alexander Versoza, malisyoso ti pannakayupload ti video.
Maipalagip a nag-viral ti maysa a video iti social media a pakakitaan ti napaspas a panagpataray dagiti innem a Florida bus iti national highway idiay Diadi-Cordon Road, Nueva Vizcaya.
Sinuspenso met ti Department of Transportation iti tallopulo nga aldaw ti sangapulo ket lima a bus ti GV Florida Transport Incorporated a ti rutana ket Santa Ana-Sampaloc ken Baguio-Apayao sipud idi Hunyo 11.
-- ADVERTISEMENT --
