Umaboten iti P100K ti gungona a naidiaya iti asino man a makaitudo iti gunman a nangpapatay iti dati a Miss Philippines Earth 2013.
Dayta ket kalpasan a pinaltugan dagiti riding-in-tandem iti sangwanan ti pagtaenganna kabayatan ti kaaddana iti uneg ti luganda a naiparking idiay Barangay Cabaritan, San Manuel, Isabela.
P50,000 ti aggapu ken ni Isabela 5th District Cong. Faustino Michael Carlos ‘Mike’ Dy III ken P50,000 met ti aggapu ken ni Mayor Faustino Dy IV ti San Manuel, Isabela.
Dagus a nangbukel ni PCol. Manuel Bringa, Provincial Director ti Isabela Police Provincial Office iti Investigation Task Force a mangimbestigar iti krimen.
Impanawagan met ti pamilia ken dagiti kabagyanda ti panagtignay ti San Manuel Police Station tapno maipaayan iti hustisia ti biktima.
